სპარი ყველა მაღაზიას საკუთარი ბრენდის ქვეშ გაერთიანებას სთავაზობს

სპარ საქართველო აგრძელებს რეგიონული ფრენჩაიზინგის პროექტს და ყველა დამოუკიდებელ საცალო მოვაჭრეს, მაღაზიას თუ მაღაზიათა ქსელს სპარის ბრენდის ქვეშ გაერთიანებას სთავაზობს. ფრენჩაიზინგის პროექტის ფარგლებში სპარის ბრენდის ქვეშ პირველი რეგიონული მარკეტი შარშან ზუგდიდში გაიხსნა. პროექტი წარმატებული გამოდგა და დაახლოებით ნახევარ წელიწადში ზუგდიდს უკვე მეორე სპარიც შეემატა. წელს აგვისტოში ფრენჩაიზინგის პროექტის ფარგლებში უკვე დაგეგმილია 2 მარკეტის გახსნა: ერთი სამტრედიაში და მეორე თბილისში, კერძოდ გლდანში. სპარის მენეჯმენტის განმარტებით მომდევნო 2 წლის განმავლობაში სპარის ბრენდის ქვეშ მარკეტები საქართველოს ყველა ქალაქში გაიხსნება. როგორც სამტრედიის სპარის ლიცენზიის მფლობელი, ბატონი პავლე აცხადებს სპარის პროექტს საქართველოში ანალოგი არ აქვს. სპარის ფრენჩაიზინგის პროექტი მცირე ბიზნესის წარმომადგენლებისთვის ხელმისაწვდომს ხდის თანამედროვე საცალო ვაჭრობის მოდელს, ამასთანავე საქართველოს რეგიონებში ხდება საერთაშორისო წარმატებული ბრენდის გამოცდილების დანერგვა. რეგიონული ეკონომიკის განვითარებისთვის ეს კიდევ ერთი წინგადადგმული ნაბიჯია. დღეს ნებისმიერ მცირე მეწარმეს რომელსაც აქვს ერთი ან რამოდენიმე მარკეტი ან აპირებს მარკეტის გახსნას და სურს მოერგოს თანამედროვე საცალო ვაჭრობის სტანდარტებს შეუძლია გაერთიანდეს სპარის ბრენდის ქვეშ.  სპარი ფრენჩაიზერებს უზიარებს  მრავალწლიან საერთაშორისო გამოცდილებას და უცხადებს მათ სრულ მხარდაჭერასა და მზაობას მარკეტის გახსნის პროცესში. პროექტში ჩართვა და სპარის ლიცენზიის მოპოვება შეუძლიათ როგორც არსებულ მაღაზიებს, ისე ნებისმიერი მსურველ ინვესტორსა თუ მეწარმეს. აღსანიშნავია რომ რეგიონული ფრენჩაიზინგის პროექტის გარდა სპარ საქართველო ასევე აქტიურად აფართოებს საკუთარი სუპერმარკეტების ქსელს. ივლისში თბილისში რიგით  30-ე სპარი გაიხსნა და როგორც სპარის მენეჯმენტში განმარტავენ წლის ბოლომდე ყოველთვიურად მინიმუმ 2 მარკეტის გახსნაა დაგეგმილი.  ამჟამად სპარი ბაზარზე წარმოდგენილია ფილიალებით შემდეგ ქალაქებში: თბილისი, ბათუმი, ქუთაისი, რუსთავი და ზუგდიდი.

სხვა სიახლეები

11 Aug. 2017

სპარ საქართველომ ფრენჩაიზინგის კიდევ ერთ ხელშეკრულებას მოაწერა ხელი

2017 წლის 10 აგვისტოს  "სპარ საქართველოს"  სათაო ოფისში  ფრენჩაიზინგის კიდევ ერთ ხელშეკრულებას მოეწერა ხელი.

11 Aug. 2017

ჰოლანდიური სუპერმარკეტების ქსელი "SPAR" 85 წლის იუბილეს აღნიშნავს

1932 წლის 10 აგვისტოს  ჰოლანდიაში დაიბადა ახალი ბრენდი, რომელიც თავისი კონცეფციით დროს უსწრებდა.

09 Aug. 2017

SPAR საქართველო საკუთარი წარმოების ხაზს აფართოებს

საერთაშორისო სუპერმარკეტების ქსელი “SPAR” აგრძელებს საქართველოს მასშტაბით გაფართოებას და წლის ბოლომდე საქართველოს რეგიონულ სტრატეგიაში საკუთარი წარ

03 Jul. 2017

სპარ საქართველოს რეგიონული პროექტი უკვე სამტრედიაში

სპარ საქართველო აგრძელებს შიდა ფრენჩაიზინგის რეგიონალურ პროექტს და 3 ივლისს კიდევ ერთ ხელშეკრულებას მოაწერა ხელი, ამჯერად უკვე სამტრედიაში.